احزان.......بقلم ماهر سباطي

احزان في الدنيا ياما
وقلوب متجرحه
وعتاب وجراح وملامه
وعيون متحيره
وقلوب حبايب يابا
عن بعض متفرقه
وسنين الغربه يانا
علينا متقدره...

وقولنا نلف ندور
يمكن نلئي النور
يبان اللي في قلوبنا
يبان المستور

ولفينا.....
ياناس مالائينا
اللي يسمع لينا
ولو اتكلمنا مش سامعين
يبقي هانشكي لمين
واحنا مش لائيين
قلب فيه حنيين

لو قالوا الناس هاتسمعك
الناس عايزه اللي يسمعهم
ولو قالوا الزمن
دا قلبي و روحي و املي مجرحهم

وتوهنا تاني
مابين الليالي
بين جراحي و اشجاني
والغالي اللي علينا غالي
تعبوا مني
وسابوني في الامي

الكل نٍسي وراح
والقلب ملان جراح
وكل مايهدي
عشان يرتاح
تتجدد جراحه كل صباح

سافرت مع الايام
وهي تهد تحطم فيا
مش لائي بر الامان
وصبري خلاص فاض بيا

عايز اشكي
وانزل من علي قلبي
جبل
من الدموع والالم
مش لائي اللي يسمعني
وب نيه صافيه
يزرع فيا الامل

ما لائيتش غير الاحزان
اللي اشكيلها هموم الزمان
ومين يدري..!!
يمكن تسمع لينا
وتكون ياناس علينا
‫#‏احن_من_الانسان‬

وبدأت اجمع في احزاني
من دفاتر ذكرياتي
علشان انا اشكيلها
اللي جرالي في حياتي
واشوف فين افراحي
واداريها من الأتي
اتاري................
من احزاني
لائيت افراحي
مجرحاني
والدمعه اللي كنت شايلها
لائيتها بتصرخ من حالي
وكده..........
لأحزاني نافعه
ولا افراحي من تاني راجعه
والروح اللي كانت صابره
علي احزانها
بقت كمان شايله

قولت ادور تاني
عللّي يصبرني علي حالي
مادام احزاني
مش سمعاني
وافراحي
معتش راجعالي

مالائيتش غير الغربه
اللي اروحلها واشكيلها
يمكن تعرف ايه اللي بٍينا
وتحنن دموع عنينا
وتكون ياناس علينا
#احن_من_الانسان

وسافرت
وايام الغربه طويله
وهاجرت
والراحه فيها قليله
او بالاصح معدومه
اتاري...........
الغربه بتنادينا
واحنا كمان لبّينا
وكنا كمان راضيين
نفارق ناس حوالينا
ونفوت ناسنا واهالينا
يمكن نلئي الحنيين
اتاري الغربه شايللنا
في ايامها وداوربها
عذاب طول السنيين

ولسه في هانروح
بعد مالفينا الدنيا
وبرده مش لائيين
اللي يداوي جروحنا
اللي بتكبر في ثانيه
وشوووف
بقالنا اد ايه عايشين

وكده جربنا كل حاجه
واحوالنا بتتغير
ساعه ورا ساعه
ومالائيتش..
#احن_من_الانسان

‫#‏بقلمي‬