هنحكى على زمن لسه ما فات ...
زمن بيخربوا فيه الأعلانات ...
فى وسطها بيجيبوا أفلام ومسلسلات ..
والواحد بينهم عايش فى متاهات ...
ولازم يتفرج ويلتزم كمان السُكات ...
يبقى الواحد مركز يا جماعه فى أعلان ..
ييجى الفيلم أو المسلسل يخرجنا عن المكان ..
والواحد بيكون من كده أكيد زعلان ...
الأعلانات مش كتيردى حاجات رمزيه ..
وكلها أحترام ولا فيها أشياء أباحيه ...
دى أعلانات بنت ناس لابسه ومتغطيه ..
لا تختش حياء زوجه ولا ولد وصبيه ..
يا جماعه ليه الظلم دى الأعلانات عن الأدويه ...
وغرضها للزوجين حياه سعيده أبديه ..
دى عن الرغبه والشد والفتره يا وليه ...
ليه بتظلموا الأعلانات أنت وهيه ...
معلشى حقك علينا يا أعلانات ...
بنتأسفلك نيابتاً عن الأفلام والمسلسلات ..
وعن سوء ظن الشباب والبنات ...
دى البرامج 5 دقايق والأعلانات بالساعات ..
وكل اللى فيها أعلانات عن دى المنتجات ..
اللى فيها سعاده الأزواج والزوجات ....
أشى أمريكى وأشى صينى يالا روح وهات ...
ده جهاز بيطول ودى براشيم تخليك من الفتوات ...
قولى بقا فين اللى بيختش حياء البنات ..
يا ناس بلاش ظلم وأفترائات ..
دى كلها خير لينا ولكل الامهات ...
كلامى يفهموا اللى زى متابع الاعلانات ..
وبيعكروا مزاجه وبيقطعوها بافلام ومسلسلات ..
وسلام بقا يا كل الشباب والبنات ...
بقلـــــــم: عــــــادل الشـــــــهـــابى
ليست هناك تعليقات:
إرسال تعليق