مرثيه **** من روائع الشاعر محمد عواد البشكمي

مرثيه

ياصاحبي عقبك غدت كلها لاش
والحزن ماخذ في خفوقي مسافات

ماهي غريبه بعيني الحزن لو عاش
دام الغضنفر تحت جنح القبر مات

البارحه وبعالي الصوت نلتاش
واليوم ماتت عبرتي والعبارات

قالو تعافى ولا دخل غرفة انعاش
ياضيقتي من بعد ذيك المسرات

ياكثرهم بالغش مجموعة اوباش
ولاهم اطبا وفي زمان العلاجات

ندفع بديهم يازماني العمر كاش
صرنا لتجاربهم حقول اختبارات

الحمد لله ان كان موته على فراش
ياحسرتي من مات ماله علامات

غيره يموت ومالقا قطعة قماش
اللي غدو انقاض تحت العمارات

الموت مايعرف قوي ن ولو هاش
ولا يعرف ن بالجاه صاحب مقامات

هذه هي الدنيا وكلن على انعاش
و يافوز من ياخذ معاه الجزيلات

ياصاحبي يل قلبك ابيض من الشاش
نام وتهنى ولا يهمك يتيمات

منته بحال اللي على الطيب ينحاش
ربك كريم وماقطع باليتيمات

ياام هادي لاتبكين كافي على اللاش
مارجع الاموات نوح الحزينات

يالله عسى قبره ميادين واحواش
ويجعل ذنوبه عند ربي قليلات

بقلم محمد عواد البشكمي