...................................................................
كفاية بقي يا غــربه
تاخدي منا الأحبــــه
الحياه بدونهم صعبه
والشوك يجرح إيدينا
ولون الورد يبكينا
كفاية هم ونكبه
ايه إللي بنا وبينك
تاخدي حبايبنا
إحنا مش ناقصينك
تحرمي قلوبنا
والظلم في عينك
والدموع في عنينا
ونعيش متفرقين
ليه تقسي علينا
ودايما تفرقينا
ومن بعض تحرمينا
ونعيش في أنيين
إيه اللي يعود عليكي
لما نعيش متغربين
والفرحه تملا عينيكي
والقلب يبقي حزين
ولا بتشمتي فينا
طيب لصالح مين
وراحتك توجعينا
وتقطفي ورد البساتين
ومن الأغصان تقطفيـنا
وللقا نبقي عطشـانين
كلمه بقولهالك
وخليكي فاكراها
لكل ظالم نهايه
وإفهمي معناها
مهما طالت لياليكي
عمر القمر ما يحميكي
ولا الشمس تراعــيكي
ولو الدنيا بتقويكي
حياتها ما لها أمان
لا ليها ولا ليكي
والمتغطي بيها هويان
والتمن ح يبقي فيكي
عذاب وذل لأخر الزمان
...........................................................
................ إحساس /حسـن الشـوان ........
....................... 6/نوفمبر/2015.....
ليست هناك تعليقات:
إرسال تعليق