المقارنة صعبة بين نوعى الخفافيش ولكن خفافيش فى السما وخفافيش فى الارض
خفافيش السما --اكيد معظمكم سافر فى طريق مصر اسكندرية وشاف على الجنبين مساحة الاراضى المسروقة منى ومنك ببلاش او متزعلوش بعشرة جنية المتر بحجة استصلاحها للزراعة ولكن ياولداة اتحولت بقدرة قادر الى افخم الفلل والمنتجعات والمزارع والقصور وامتلكها الصفوة من الحرامية من رجال الاعمال الشرفاء وغير الشرفاء وابناء الكبار من وزراء وقضاة ولاعبين للكورة وفنانين على شاكلة السبكى وتجار الممنوع واللاممنوع وكل هذا تم فى عهد المنحوس الله ينحسة مبارك وبمباركة من حزبة اللاوطنى
خفافيش الارض --اكيد معظكم مر على بنزينات للتمويل وشاف العصابة ال بتتطلع عليك بقدرة قادر من كل اتجاة واحد معاة شوية مية بصابون ومساحة والتانى معاة فوطة صفراء والثالث فوطة حمراء والرابع فوطة سوداء وكل واحد يمسك طرف من السيارة عشان يمسح ويوسخ واياك ان تفتح بقك ولكن اصمت وطلع ال فى جيبك بسكات وادب وامشى على البنزينة ال بعديها نفس الكلام ونفس القصة وهكذا لحد ماتروح بيتك من خفافيش لخفافيش
متى سنحاكم كل مسئول باع ارض الوطن وكأنة صاحب العزبة وصاحب الوطن ؟؟
متى سنسترد حقوقنا من هؤلاء الحرامية سارقى ارض الوطن ؟؟
متى نتعلم احترام المواطن وحقوقة فى تراب بلدة ؟؟
من المسئول عن حفظ حقوقنا فى كل حبه من تراب ارضنا ؟؟
اما خفافيش البنزينات فليس لهم حل الا اغلاق البنزينات وبلاش سيارات .
حفظ الله اوطاننااااااا وشعوبنااااااااا
ليست هناك تعليقات:
إرسال تعليق