مادد ايدك ﻷجل تسلم
مش راح اسلم
لو كان غيرك كان يتعلم
فكرك انى هصدق كدبك
ما انته الكدب بيجرى فى دمك
راجع تانى تقولى حنانى
وان الشوق خدنى وودانى
شوفت ف عمرى كتير وقليل
واتاريك شاطر فى التمثيل
بس امانه عليك ﻻتقولى
هيا هوايه وﻻ دى غاية
ياما اسيت من ظلمك فيا
وطبعا فاكر انى هسامحك
ﻻ ومتأكد إنى خﻻص
اتطبعت كمان على طبعك
وإتعودت اجرى واطبطب
لماعينيك بتنزل دمعه
ﻻ يامعلم دا أنا تلميذك
وإتخرجت كمان م الجامعة
كتر خيرك
قوم على حيلك روح وانسانى
وانسي زمانى
انا غيرت كمان عنوانى
إدعى لربك ليك بهدايه
اصل الظلم ﻷخره نهاية
بس سؤالى معاك مش اكتر
ليه نهايتك تبقى معايا
مجدى النويهى
ليست هناك تعليقات:
إرسال تعليق