أنا انت وانت أنا*****بقلم نبيل زيدان

أنا حبيبى.... و حبيبى أنا ( اغنية ممكن تبقى دويتو مطرب و مطربة )
-----------------------------

أنا حبيبى.... و حبيبى أنا
ملامحى هى انت.....و ملامحك هى أنا
دنيايا انت....و دنياك أنا
أنا حبيبى.... و حبيبى أنا
أنا انت و انت أنا

من يوم ما اتقابلنا بقينا واحد مش اتنين
و أطول خصام بينا مش أكتر من ثانيتين
ولو بعدنا توحشنى انت ... واوحشك أنا
و نتقابل قبل ما تعدى علينا دقيقتين
و اكبر خلاف بينا يضيع فى كلمتين
الحلم بنكمله من بعضنا انت و أنا
أنا حبيبى.....و حبيبى أنا
أنا انت و انت أنا

حبيبى انا يا توأم روحى ...انا حداوى بيك كل جروحى
وحنقول للأحزان ابعدى عنا و روحى
احنا ما لناش غنى عن بعضنا
دا مفيش فى الدنيا حب زى حبنا
حبى انت....وحبك أنا
عايشين بقلب واحد انت و أنا
أنا حبيبى....و حبيبى أنا
أنا انت و انت أنا

ال اه بتقولها قبل ما احسها انا
و الضحكة بنضحكها انا وانت سوا
والكلمة هى هى بتقولها انت و بقولها انا
و هوانا هو هو اللى بيحيينا سوا
ومفيش بينا كلمة يا انت يا انا
أنا حبيبى ... و حبيبى أنا
ملامحى هى انت....و ملامحك هى أنا
دنيايا انت.....و دنياك أنا
أنا حبيبى....و حبيبى أنا
أنا انت و انت أنا

كلمات نبيل زيدان