غلطان
غلطان عشان أنا قلت ليك
ياحلوة رقمك انتي كم
ماقصدي ألعب بيك أنا
ولاداير ازيدك تاني هم
كل الهدف داير أسمعك
وأنساهو بي صوتك أساي
نقعد نهظر بي الكلام
تزعل عيونك مني ساي
لكنو شكلك يا أنا
رقمك عزيز مامستواي
والله غيرك مافي بت
بتسر عيوني تكون معاي
أحكيلا بالحاصل علي
عز السكوت تديني راي
ياستي رقمك مامهم
يكفيني إنك ضئ سماي
وأنا ليكي في الأخر بقول
رقمك بيكبر في جواي
بشرق مع شمس الصباح
بتنفسك في الكون هواي
ياحلوه رقمك خلي ليك
وأنا بهدي ليك شكري وفاي
ليست هناك تعليقات:
إرسال تعليق