ــــــ قـسـوة ــــــ بـقـلـم:- أحـمـد عـبـدالـبـاقـي

ــــــ قـسـوة ــــــ

ياللي بعدت لما إحتاجتك

أيامي وأيامك عدت

ولاعمرها راح ترجع تاني

أصل خلاص أحلامي اتهدت

راحت مني كل أماني

عيش خلاص كده ع الذكري

إنسي الماضي

وإنسي الحاضر

إقفل باب القلب بأوكره

وإوعي

في يوم تستني رجوعي

أصل معتش راجع بكره

إنسي كلامي

إنسي الوعد

وإنسي كمان الحب بجد

موت بشوقك كده في البعد

ذي مامت كتير م الصد

كنت أشوف الحب يموت

أجري بسرعه كده أحييه

بس

القسوه بتاعتك كانت

غصب عني بطفيه

مره في مره

جت ع القلب

طلبت مني الحب أنهيه

يعني الوقتي أنا ذيك أصلا

كل مشاعري أيون ماتت

قلبي بقا مليان بالقسوه

حالف إنه يصفي حسابه

وياخد طار أيام 

كده فاتت

مهما تبكي كده قدامه

مش راح يزعل أويتأثر

القسوة هتغطي كلامه

وفي قلبك يجرح ويكسر

أنا عاوز أقولك

م.....الآخر

إنك في القرب هتتحسر

وتموت في المره

ميت مره

وهتبقي حياتك كده مره

أحسن لك إنك تنساني

وتدور علي واحد شبهك

ياتعيش مع نفسك وحداني

وتحس اللي أنا كنت بحسه

في البعد تصرخ وتعاني

---------------------------------

بـقـلـم:-

أحـمـد عـبـدالـبـاقـي