الناس وأوجعها // بقلـــــم: عـــــادل الشـــــهــابى

الناس وأوجعها
آه على الناس وأوجعها ...
فيه عادات سيئه بنهم مين بس اللى زرعها ...
ومين قالهم الدنيا من أديهم تضيعها ...
هنستعرض حياتهم وأوجعها ....
آدى واحد ماشى ولكن حزين ...
ماشى ودموعه ماليه العين ....
مالك يا عم تعالى وقولى رايح على فين ...
قال سيبنى وبلاش تسألنى كده تانى ...
الدنيا جت عليا ومابقيتش خلاص تهنالى ...
من بعد ما خسرت تجارتى وكل مالى ...
ومش عارف أصرف يا ناس على عيالى ...
وأدى ست قاعده وحاطه أديها على الراس ...
قربت وقولتها مالك مهمومه يا ست الناس ...
قالت بنتى هتتجوز ومفيش حق الجهاز ...
والرحمه راحت من قلوب الناس ....
بنبكى أنا وبنتى يا بنى يوماتى ...
نفسى أطمن عليها قبل ما تخلص حياتى ..
يا ستى ربنا موجود ...
وكرمه والله ملوش حدود ..
وأدى شاب خلص تعليمه ...
وعلى ظروف الحياه الله يعينه ...
عاوز يبنى مستقبله ويكمل نص دينه ...
حتى لو لقى يا ناس وظيفه ...
فلوسها هتكون ضعيفه ...
مش هتكفى حق لقمه نضيفه ...
وأنتى يا بنت مالك حيرانه ...
قالت نفسى ألاقى شغلانه ...
أصل أنا من الدنيا تعبانه ..
يا رب لطفك بينا ...
مادين ليك يا رب أدينا ....
فيه لسه كتير أوجاع ...
بقلـــــم: عـــــادل الشـــــهــابى