بين النظرات فيه نظرة تفاؤل ....
بالعمل مش بالتواكل .....
أشقى أتعب حقق أحلامك ...
خلى نظرة الامل دايما قدامك ...
أهتم بعملك وسيب اللى سابك ...
تحقق أحلامك بالعمل والأصرار ...
مش بالقعاد جنب الست فى الدار ...
ومش بالتمنى وتقليب الافكار ...
قوم وسيبك يلا من الكسل ..
يلا قوم حى على العمل ...
قوم وخلى فى ربنا دايما أمل ...
نظرة التشائم من بين النظرات شيلها ..
والجهد بنظره الامل أعملها ...
أتعب تلاقى الحياه جميله ...
وأحلامك تتحقق مهما كانت كبيره ...
صدقنى مفيش حاجه مستحيله ...
حلمك تحققه بالجهد والعرق ....
بلاش كسل وتقول أن الحلم منك أتسرق ..
خد من بين النظرات أحلاها ..
خدها والدنيا كملها معاها ...
يلا قوم والدمعه أنساها ...
يلا دى الفرحه أنت هواها ...
بين النظرات فيه نظرة تفاؤل ...
بس بالعمل يا أخى مش بالتواكل ..
بقلــــم: عــــــادل الشـــــــهــابى
ليست هناك تعليقات:
إرسال تعليق