الشاعر المصري/ احمد ابراهيم
**************************
فى قصيدة ( انا راحل )
*******************
هغيب وامشي
يعود الليل تغيب شمسي
انا راحل وهرمي كل احزاني
جبال يأسي
دموع الاه ومبلوله
دموع رمشي
ومخنوقه الحياه كارة
اعيش اليوم وبكرة ايه اكيد بكرة
شبيه امسى
فى بحر غريق هنا غارق هنا حلمي
ربيع بيموت على ورق الحياة وانتى
ماقربتى ولا كنتي فى يوم امي
تعبت الرحله والمشوار
ولا بيا فى يوم حسه ولا عرفه
وجوايه جبال م الجرح تألمنى
وجوايه عذاب طايل
شباك الفرح من قلبي
وماتت بسمه على خدي
ولا كنتي فى يوم حسه
ولا بدمعه اهات تصرخ
ولا كنتى
فى صدرك ليا بضمي
بعيش ماشي وانا التايه
ولا عارف لفين هوصّل
طريق مزروع بشوك طارح
فى ظلمة ليل
عليه احزانى بتخطّي
طريق جارح
وشاب الشعر امبارح
وبان تجعيدو فى ملمحي
على غنوة اهات واللحن
على ناى الالم يعزف
وطال العزف من نذفي
واه منك تعبت
و اه كمان منك اهات واهات
يذيد النذف جوايه
تموت احلامى جوايه
تروح الصفحه مطويه
على ريح الضياع فيا
نهايه ع الرحيل راحل
بدايه للالم ناذف
وانا ماشي ومش عارف
لأى طريق انا راحل
لكن منك انا راحل
**********************
بقلم الشاعر المصري/احمد ابراهيم
***************************
ليست هناك تعليقات:
إرسال تعليق